کانادانینگ تورانتو شهریده امیر تېمور صاحب قِران توغیلگنینینگ ۶۹۰ ییللیگی مناسبتی بیلن اویوشتیریلگن ادبی و فرهنگی ییغینده مذکور شهرده یشاووچی اۉزبېک سیاسی، ادبی، فرهنگی، مدنی و اجتماعی شخصیتلری قۉشیمچه باشقه خلقلرنینگ هم فرهنگی، ادبی، اجتماعی و سیاسی شخصیتلری قتنشگنلر.
تورنتو شهریده اۉتکزیلگن مذکور ییغین اشتراکچیلری، حضرت صاحب قِران امیر تېمورنینگ تفکری دایرهسیده حقیده هم معلوماتلردن تۉله سۉزلرنی هم تیلگه آلیب، اشتراکچیلرگه بو بویوک انساننینگ دنیا قرهشی و توشینچهسی قنچهلیک کېنگلیگی حقیده بېلگی بېریب اوتدلر.
شونینگدېک.محفلده سیاسی، فرهنگی و مدنی شخصیتلر نطق سۉزلب امیر تېمورنینگ حیاتی، عمرانی و سېر قیرهلی شخصیتی بارهسیده هر تامانلمه صحبت قیلدیلر.
شو کبی اوشبو محفلده چیقیش قیلگن فعاللر، بیلیمدانلر همده سیاسی کیشیلر اوز صحبتلریده امیر تېمورنینگ، تېموریلر سلالهسینینگ اساسچیسی صفتیده اۉزیدن قالدیرگن اولوغ میراثی تۉغریسیده هر تمانلمه گپیردیلر.
عین حالده، اوشبو محفلده چیقیش قیلگنلر افغانستانلیک قوملر اۉرتهسیده بیرلیک و بیردملیکنینگ اهمیتی و بو بیرلیک و بیردملیک دایمی روشده سقلهنیب قالیشی بارهسیده علیحده تاکیدلهدیلر.
کاناداده فعالیتگه باشلهگن تورک خلقلری اسامبلهسی تشبثی بیلن اویوشتیریلگن مذکور محفل جریانیده شاعرلر تامنیدن شعرلر اۉقیلیشی بیلن بیرگه موسیقی دستوری هم اجرا اېتیلگن.
