طالبان عالی محکمهسی قتلگه عیبلنگن بیر اېرکک اوستیدن قصاص حکمی آچیق بجریلگنینی اعلان قیلدی. قصاص بادغیس ولایتیده عملگه آشیریلگن.
طالبان عالی محکمهسی نینگ اعلامیهسیده، مذکور اېرککنینگ هویتی اسماعیل دېب بیلدیریلگن. اوشبو قاتل جوند اولسواللیگیده دوستمحمد و گلبرگه ناملی بیر اېرکک همده بیر عیالنی آتیب اۉلدیرگن اېدی.
طالبلر عالی محکمهسی اسماعیل اوستیده قصاص حکمی صادر بولیشی مذکور گروهنینگ اوچ محکمهسی آرقلی تصدیقلنگن و بونی طالبلر رهبری تېکشیرگنینی معلوم قیلگن.
طالبلر عالی محکمهسی نینگ ایتیشیچه، اۉلدیریلگنلر عایلهسیگه صلح و کېچیریش پیشنهادی قیلیگن؛ لیکن اولر مسالهنی قبول قیلمهگندن کېیین قصاص حکمینی بجریش صادر قیلیندی.
اوشبو محکمهنینگ قۉشیمچه قیلیشیچه، عیبلنگن کیشی بوگون (پنجشنبه۲۴ میزان) بادغیس سپورت میدانیده بیر قنچه اهالینینگ حضوریده دارگه تارتیلدی.
طالبلر حاکمیتگه قیتگندن سۉنگ بو دارگه تارتیلگن اۉن بیرینچی مورد حسابلنهدی و بادغیس ولایتیده اېسه قصاص حکمینینگ ایکّینچی موردی سنهلهدی.
شونینگدېک مذکور گروه باشقه ۱۰ کیشینی فراه، غزنی، لغمان، جوزجان، بادغیس و نیمروز ولایتلریده یوزلب تماشابین حضوریده اعلام قیلگن اېدی.
