طالبلر، اوشبو گروه فعالیتلری حقیده اخبارات بېریش اوچون «پرمختک» ناملی ینگی وبسایتنی ایشگه توشیرگنینی معلوم قیلدی.
اوشبو وبسایت بوگون (یکشنبه،۳۰حمل) ارگده طالبلر رسميلری اشتراکیده تقدیم اېتیلدی.
طالبان مطبوعات سۉزلاوچیسی ذبیحالله مجاهد ایتیشیچه، اوشبو وبسایت «عامهوي اخبارات واسطهلری اوچون انیق کیریش امکانینی تأمینلش و اسلامي امیرلیک (طالبلر) نینگ تورلی یوتوقلری همده رواجلنیشلری حقیده هر تامانلهمه معلومات تقدیم اېتیش» مقصدیده یرهتیلگن.
او بو وبسایتنی «معلوماتلر بانکی و منبعی» صفتیده تعریفلب، اونینگ ایشگه توشیریلیشی «دشمن ترغیباتینینگ آلدینی آلهدی و اسلامي امیرلیک (طالبلر) نینگ یوتوقلری آیلیک، ربعوار و ییللیک حساب-کتاب قیلینیشی ممکن»لیگینی تأکیدلهدی.
بو حالت شوندهی بیر پیتده یوز بېرماقدهکی، طالبان افغانستانده قَیته حاکمیتنی اېگهلهگنیدن سۉنگ عامهوي اخبارات واسطهلری و ژورنالیستلر فعالیتیگه کېنگ قمراولی چېکلاولر جاري اېتگن، بیر نېچه بار مېدیا ادارهلریگه باستیریب کیرگن، اولرنی یاپگن همده ژورنالیستلر و مېدیا خادملرینی حبسگه آلگن.
شونینگدېک، طالبلر افغانستاندهگی اېرکین و مستقل عامهوي اخبارات واسطهلری، جملهدن «اطلاعات روز» گزیتهسی وبسایتلرینی «فیلترلش»گه کیریشیب، اهالینینگ اوشبو منبعلرگه کیریشینی چېکلشگه حرکت قیلگن.
