هراتده محلی منبعلر، مذکور ولایتنینگ انجیل اولسواللیگیده 18 یاشر بیر ییگیت «ناتنیش قوراللی شخصلر» تامانیدن اۉلدیریلگنینی ایتهدیلر.
منبع، حادثه بوگون (چهارشنبه 23 میزان) کېچ ساعت 4:00ده انجیل اولسواللیکنینگ «جلواردی» قیشلاغیده یوز بیرگن دېب معلوم قیلدی.
منبعلرنینگ قۉشیمچه قیلیشیچه، الیاس ناملی مذکور یاش افغانستان سابق نمایندهلر مجلسی عضوی غلام فاروق مجروحنینگ جیینگی بۉلگن.
منبعلرنینگ معلوماتیگه کۉره، موتر سایکلده مینیلگن قوراللی ایکّی کیشی اوشبو یاشنینگ موتر سایکلینی اۉغیرلش نیتده بۉلگن. اۉغریلر بیلن الیاس اۉرتهسیده یوز بیرگن آتیشمده مذکور یاش قتل اېتیلگن دېدی منبع.
شونینگدېک منبع، حادثه عامللری قتل قیلگندن کېیین ساحهدن قاچگن دېب معلوم قیلدی.
هراتده طالبان محلی مسووللری مذکور واقعه بارهسیده هیچ قندهی فکر بیلدیرگنیچه یۉق.
