«افغانستان آزادلیک جبههسی»نینگ معلوم قیلیشیچه، اونینگ کوچلری تاله و برفک اولسواللیگیده طالبان قرارگاهیگه اویوشتیرگن «راکت هجومی» نتیجهسیده اوشبو گروهنینگ تۉرت اعضاسی اۉلدیریلگن، ینه ایکّی طالب یرهلنگن.
جبهه بیاناتیده ایتیلیشیچه، هجوم یکشنبه (۲۳-حمل) تانگ ساعت تخمیناً۲:۰۰ ده اولسواللیک بناسی یقینیدهگی قرارگاهگه قرشی عملگه آشیریلگن.
«افغانستان آزادلیک جبههسی» اۉز کوچلری آرهسیدهگی احتمالي تلفاتلر حقیده معلومات بېرمهگن.
طالبلرنینگ بغلان ولایتیدهگی محلي مسووللری حاضرچه بو هجوم یوزهسیدن ایضاح بېرمهگن.
«افغانستان آزادلیک جبههسی» بوندن آلدین هم بغلان ولایتیده طالبانگه قرشی بیر نېچه بار هجوملر اویوشتیرگنینی معلوم قیلگن اېدی.
