طالبلرنینگ ننگرهاردهگی امنیه قوماندانلیگی افغانستاندن پاکستانگه یاقیلغی قاچاق قیلیشگه اورینیشده عیبلنیب۱۶ کیشی حبسگه آلینگنینی معلوم قیلدی.
بو قوماندانلیک بیانات ترقهتیب، اوشبو شخصلر تیناوون (یکشنبه،۲۳حمل) دور بابا اولسواللیگیده قۉلگه آلینگنینی بیلدیردی.
طالبلر امنیه قوماندانلیگی معلوماتیگه کۉره، بو شخصلر بیر یاقیلغی تانکرینی و۱۸۲بۉچکه یاقیلغینی پاکستانگه ناقانوني آلیب اۉتیشگه اورینگن.
شونینگدېک، بیاناتده ایتیلیشیچه، عیبلنووچیلر اۉز عیبیگه اقرار بۉلگن و اولرنینگ ایشی طالبان نینگ عدلی و قضایی اۉرگانلریگه تاپشیریلهدی.
طالبان بو یاقیلغی قهیېردن و قندهی یۉل بیلن آلینگنیگه انیقلیک کیریتمهگن.
طالبلر بیاناتیگه کۉره، امریکا و اسرایل نینگ ایرانگه قرشی اوروشی باشلنگنیدن کېین دنیا بۉیلب، جملهدن پاکستان و افغانستانده نفت نرخلری کېسکین آشیب، ترانسپورت ساحهسیده معمالرنی یوزهگه کېلتیرگن.
