طالبلرنینگ ننگرهار ولایتیدهگی محلي مسووللرینینگ معلوم قیلیشیچه، شیرزاد اولسواللیگیده بیر اوی تامی نینگ قولهشی عاقبتیده بیر عایلهنینگ یېتّی اعضاسی، جملهدن عیاللر و بالهلر جان بېرگنلر.
طالبان اخبارات و مدنیت باشقرمسی اخبارات بۉلیمی رهبری قریشی بدلوننینگ ایتیشیچه، واقعه سهشنبه کېچهسی (۱۸حمل) شیرزاد تومنینینگ «کمی ترمی» منطقهسیده صادر بۉلگن.
اونینگ سۉزلریگه کۉره، حادثهگه کوچلی یامغیرلر سبب بۉلگن.
اخبارات بۉلیمی باشلیغی شونینگدېک، سۉنگگی ایکّی کون ایچیده ولایتده یامغیر و سېل عاقبتیده هلاک بۉلگنلر سانی۲۴ کیشیگه، جراحتلنگنلر اېسه۳۳کیشیگه یېتگنینی بیلدیرگن.
سۉنگگی کونلرده ننگرهار ولایتیده اوی تاملری قولهشی عاقبتیده انسانلر هلاک بۉلیشی بیلن باغلیق بیر نېچته حالتلر قید اېتیلگن.
