طالبلرنینگ جوزجان ولایتی امنیه قوماندانلیگینینگ معلوم قیلیشیچه، جوزجان-بلخ یۉنهلیشیده یوز بېرگن ترافیک حادثهسی عاقبتیده بیر کیشی جان بېرگن و ایکّی کیشی اېسه یرهلنگن.
قوماندانلیک مطبوعات سۉزلاوچیسی عبدالستار حلیمينینگ ایتیشیچه، بو حادثه تیناوون (سهشنبه، ۱۸-حمل) جوزجان-بلخ یۉلی نینگ «چغچی» منطقهسیده صادر بۉلگن.
اونگه کۉره، اوشبو حادثهده بیر «پاسو» روسوملی موتر «تیلر» (یوک موتری) بیلن تۉقنهشگن.
قوماندانلیک سۉزلاوچیسینینگ قۉشیمچه قیلیشیچه، «پاسو» هیداوچیسی واقعه جاییده هلاک بۉلگن، ینه ایکّی کیشی جراحت آلگن.
جراحتلنگنلر طبي مرکزلرگه آلیب باریلگن و اولرنینگ احوالی آغیر اېکنی ایتیلگن.
طالباننینگ جوزجان ولایتی امنیه قوماندانلیگی حادثه سببی حقیده معلومات بېرمهگن.
