طالبلرنینگ فواید عامه وزیرلیگینینگ معلوم قیلیشیچه، کابل-قندهار ترانسپورت یۉلی تازهلنگن و ینه ترانسپورت حرکتی اوچون آچیلگن.
طالبلرنینگ مذکور وزیرلیگی سۉزلاوچیسی محمد اشرف حقشناس بوگون (سهشنبه، ۱۸ حمل) توشدن کېین نشر قیلگن بیاناتیده، شونینگدېک، باميان – پروان یۉلی و بامياندهگی شاتو داوانی هم قَیته آچیلگنینی بیلدیرگن.
کابول-قندههار ترسّهسی کېچه تونده، باميان-پروان یۉلی و شاتو داوانی اېسه کېچه یامغیر و سېل عاقبتیده یاپیلگن اېدی.
بیراق وزیرلیک نینگ ایتیشیچه، حاضرچه سالنگ ترانسپورت یۉلی، کابل–جلال آباد، بادغیس–هرات، غور-هرات، سمنگان-مزارشریف، بادغیس-فاریاب، دایکندی-باميان یۉللری همده بلخ، ننگرهار، سمنگان و غور ولایتلریدهگی بیر نېچته تومنلرنینگ ایچکی یۉللری حلی هم یاپیق قالماقده.
سالنگ یۉلی و باشقه اَیریم یۉللر کېچهدن بېری یاپیق، کابل-جلال آباد یۉلی اېسه تخمیناً تۉرت کوندن بېری آچیلمهگن.
