ایران سپاهپاسداران بو مملکتنینگ اطلاعات تشکیلاتی باشلیغی مجدی خادمی امریکا همده اسرایلنینگ هجومیده اۉلدیریلگنینی تصدیقلهدی.
سپاهپاسداران بیاناتیده ایتیلیشیچه، او بوگون (دوشنبه، ۱۷حمل) تانگ سحرده اۉلدیریلگن.
اسرایل مدافعه کوچلرینینگ معلوم قیلیشیچه، مجید خادمی تهرانده نشانگه آلینیب یۉق قیلینگن.
اسرایل اوردوسی بیاناتیده او «اسلامي انقلاب قۉریقچیلری کارپوسینینگ اېنگ مهم قوماندانلریدن بیری بۉلیب، ییللر دوامیده کتّه حربي و خوفسیزلیک تجربهسیگه اېگه بۉلگن همده تورلی لوازملرده، جملهدنسپاهپاسداران خوفسیزلیک تشکیلاتی رهبری صفتیده فعالیت یوریتگن» دېب تعریفلنگن.
شونینگدېک، اسرایل تامانی اونینگ «اسرایلگه و دنیا بۉیلب یهوديلرگه قرشی تروریستیک فعالیتلرنی رواجلنتیریشده اشتراک اېتگنی، تۉپلهگن معلوماتلری اېسه بوندهی عملیاتلر و گلوبل نشانلرنی بېلگیلشده قۉللنیلگنی»نی ادعا قیلگن.
اسرایل اوروش باشلنگنیدن بویان ایراننینگ بیر نېچته یوقاری مرتبهلی حربي و سیاسي شخصلرینی نشانگه آلیب یۉق قیلگنینی بیلدیرگن.
ایسرایل باش وزیری بنیامین نتانیاهو مملکت اوردوسیگه ایراننینگ یوقاری درجهدهگی سیاسي و حربي رهبرلرینی انیقلب، اولرگه ضربه بېریش بۉییچه کۉرسهتمه بېرگن.
