طالبان نینگ قندهاردهگی معارف ریاستینینگ معلوم قیلیشیچه، اوشبو مکتبلر بیرلشگن ملتلر تشکیلاتینینگ قاچقینلر بۉییچه عالي کمیسارلیگی (UNHCR)، کۉمهگی بیلن قوریب بیتکزیلگن و فایدهلنیشگه تاپشیریلگن.
طالبان معارف ریاستی مسووللریگه کۉره، بو مکتبلر قندهار شهری و اونینگ تومنلریده ایکّی میلیون۳۵۲ مینگ امریکا دالری خرجتی بیلن قوریلگن.
بیاناتده ایتیلیشیچه، اوچته مکتب ولایت مرکزیده، ینه ایکّیته مکتب اېسه پنجوایی تومنیده جاپان خلقی نینگ مالیوي کۉمهگی بیلن برپا اېتیلگن.
مذکور مکتبلر صنف خانهلری، اداری بۉلیملر، لابراتوار، کامپیوتر خانهلری، سوو و الکتر تیزیملری همده باشقه امکانیتلر بیلن جهازلنگن بۉلیب، مینگلب اۉقووچیلرگه تعلیم آلیش امکانینی یرهتگن.
شونگه قرهمهی، قندهارده خلق ارا همجمعيت کۉمهگیده اۉنلب مکتبلر قوریلگن بۉلسه-ده، هنوز مینگلب بالهلر اوشبو ولایتده آچیق آسمان آستیده تعلیم آلیشگه مجبور بۉلیب قالماقده.
