طالبلرنینگ کنر ولایتیدهگی امنیه قوماندانلیگینینگ معلوم قیلیشیچه، پاکستان تامانیدن سرکانو اولسواللیگیگه قیلینگن تۉپخانهیی هجوم نتیجهسیده کمیده بیر کیشی هلاک بۉلگن و تۉرت باله یرهلنگن.
قوماندانلیک مطبوعات سۉزلاوچی فرید دهقاننینگ ایتیشیچه، هجوم تیاوون (چهارشنبه،۱۲حمل) توشدن کېین «ناوه پاس» قیشلاغیده یوز بېرگن.
اونینگ قۉشیمچه قیلیشیچه، جراحتلنگنلر دوالنیش اوچون کنر شفاخانهسیگه آلیب کېتیلگن.
سۉزلاوچی بو هجومده تورر-جای اویلر نشانگه آلینگنینی و اهالیگه کتّه مالی ضرر یېتگنینی دعوا قیلگن.
بو هجوم شوندهی وقتده صادر بۉلدیکی، کېچه چیننینگ اورمچی شهریده طالبلر و پاکستان نمایندهلر کېسکینلیکنی کمهیتیریش و اوروشنی تۉختهتیش مقصدیده اوچرهشگن اېدی.
افغانستاننینگ شرقیدهگی کنر ولایتی سۉنگگی ینگی ماجرا تۉلقینیدن بېری بیر نېچه بار هوا و راکت هجوملریگه اوچرهگن.
