حاضر طالبلر نظارتی آستیدهگی افغانستان طبيعي آفتلرگه قرشی کورهش املی دارهسینینگ معلوم قیلیشیچه، سۉنگگی۲۴ ساعت ایچیده ینه 6 کیشی جان بېرگن، مملکت بۉیلب یامغیر و سېل عاقبتیده قربانلر سانی۴۸ نفرگه یېتگن.
مذکور ادارهنینگ سۉزلاوچیسی محمد یوسف حماد بوگون (چهارشنبه،۱۲ حمل) یرهلنگنلر سانی هم۷۳ نفرگه یېتگنینی بیلدیرگن.
طالباننینگ طبيعي آفتلرگه قرشی کورهش ادارهسینینگ معلوم قیلیشیچه، بو تلفاتلر 6-کونیدن بویان مملکت نینگ تورلی ولایتلریده قید اېتیلگن.
سۉنگگی کونلرده افغانستاننینگ تورلی ولایتلریده کوچلی یامغیر یاغیشی و سېل کېلیشی کوزهتیلماقده.
یامغیر و سېل نهفقط انساني تلفاتلرگه سبب بۉلگن، بلکه اهالیگه کېنگ کۉلملی مادّي ضرر هم یېتکزگن.
یاغاینگرچیلیک کمیده آی نینگ 15-کونیگچه دوام اېتهدی و سېل کېلیشی خوفی هم سقلنیب قالیشی پیشبینلیک قیلنگن.
