طالبلر نینگ بلخ ولایتیدهگی امنیه قوماندانلیگی، مزار شریف شهریده قوراللی اۉغریلر بیلن یوز بېرگن تۉقنهشووده بیر اۉغری اۉلدیریلگن، ینه بیری قۉلگه آلینگن و اوچینچی شخص قاچیب کېتگن دېب معلوم قیلگن.
بیاناتگه کۉره، اوشبو واقعه تیناوون (دوشنبه، ۱۰ حمل) شهرنینگ ۹-خوفسیزلیک ناحیهسیده یوز بېرگن.
بلخدهگی طالبان امنیه قوماندانلیگی حادثه حقیده قۉشیمچه تفصیلات بېرمهگن، شونینگدېک هلاک بۉلگن شخص و اۉغریلیکده عیبلنگن باشقه ایکّی کیشینینگ شخصینی هم آشکار قیلمهگن.
آلدین هم «اۉغریلیکده گمان قیلینگن» اَیریم شخصلر طالبان کوچلری بیلن تۉقنهشوولرده اۉلدیریلگنی حقیده خبرلر بۉلگن.
بعضی حالتلرده اېسه محلي منبعلر طالبان دعوالرینی رد اېتیب، اۉلدیریلگن شخصلر هېچ قندهی اۉغریلیک یاکه جنایتگه علاقهسی بۉلمهگنینی تأکیدلهگن.
