یونامانینگ معلوم قیلیشیچه، افغانستان نینگ۱۱ ولایتیده کوچلی یاغاینگرچیلیک و سوو تاشقینلری عاقبتیده بیر قطار آدملر هلاک بۉلگن همده اوی-جایلر، آستقورمهلر و تیریکچیلیک منبعلریگه کتّه ضرر یېتگن.
یوناماگه کۉره، بیرلشگن ملتلر تشکیلاتینینگ انسانپرورلیک مسألهلرنی موافقلشتیریش باشقهرمهسی (اوچا)، خلق ارا مهاجرت تشکیلاتی و باشقه تشکیلاتلر ضررلنگن حدودلرده موجود بۉلیب، تېزکار سروی اۉتکزیش و جبرلنگن اهالیگه ضرور یاردم یېتکزیش بیلن شغللنماقده.
مذکور اداره، آغیر عاقبتلرگه قرهمهی، یاغاینگرچیلیکلر اوزاق دوام اېتگن قورغاقچیلیکنی کمهیتیریشگه یاردم بېریشی ممکن دېگن.
سۉنگگی کونلرده افغانستاننینگ تورلی ولایتلریده کوچلی یامغیر و سوو تاشقینلری کوزهتیلماقده.
طالبان تامانیدن بېریلگن معلوماتلرگه کۉره، اوشبو حادثهلر نتیجهسیده کمیده۴۲کیشی هلاک بۉلگن و اۉنلب آدملر جراحتلنگن.
