جوزجان ولایتی آقچه اولسواللیگینینگ یشاوچیسی استاد عبدالله اوچقون کریمینینگ «یرهلی چېچکلریم» عنوانلی بیرینچی شعر تۉپلمی یقینده چاپ قیلیندی.
غزللر، مثنویلر، رباعیلر، برماق وزنی همده باشقه قالبلرده یرهتیلگن اوشبو شعری مجموعه بلخ ولایتینینگ مرکزی مزار شریف شهریدهگی صورتگر مطبعهسیده باسیلگن.
۵۰۰تیراژده باسیلگن مذکور شعری تۉپلمگه حرمتلی داکتر شفیه یارقین جنابلری تقریظ یازگن.۱۱۳ بېتنی اۉز ایچیگه آلگن اوشبو شعر توپلمی رقعی اۉلچمیده چاپ اېتیلگن.
استاد عبدالله اۉچقون جوزجان ولایتینینگ تانیقلی شاعرلریدن بیری بۉلیب، کۉپ ییللردن بېری شعریت و ادبیات ساحهسیده فعالیت یوریتیب کېلماقده.
شونینگدېک، او تعلیم-تربیه ساحهسیده هم فدایی معرفتپرور صفتیده اوزاق ییللردن بویان جوزجان بالهلری و یاشلرینی تربیهلش یۉلیده صدقِ دلدن خدمت قیلیب کېلماقده.
او کیشی افغانستان اۉزبېکلری مدني و ادبي جمعیتیده مهم و تأثیرچن شخصلردن بیری حسابلنهدی.
