رحمتالله حکیمي یقینلرینینگ ایتیشیچه، او طالبلر استخبارات ادارهسی تامانیدن حبسگه آلینگنیگه بیر آیدن آشگن بۉلسه-ده، هنوزگچه اونینگ تقدیری حقیده هېچ قندهی معلومات یۉق.
اونینگ قرینداشلریدن بیری اطلاعات روزگه بېرگن معلوماتیده ایتیشیچه، جناب حکیمي تخمیناً بیر آی آلدین ایراندن قَیتگنیدن سۉنگ هرات ولایتیده طالبان استخباراتی تامانیدن حبسگه آلینگن.
اونینگ سۉزلریگه کۉره، رحمتالله حکیمينینگ عایلهسی کۉپلب اورینیشلرگه قرهمهی، حاضرگچه اونینگ تقدیری حقیده هېچ قندهی معلومات آله آلمهگن.
حکیمي قرینداشلری اونینگ پنجشیر ولایتیدهگی معلملر تیارلش مؤسسهسی باشلیغی لوازمیدن طالبان حاکمیتنی قَیته اېگهللشیدن آلدین استعفا بېرگنینی ایتیشهدی.
اولرنینگ بیلدیریشیچه، او ایرانده دوکتورا بۉییچه تحصیل آلگن کېیین افغانستانگه قَیتگن.
اونینگ عایله اعضالری رحمتالله حکیمي هېچ قندهی سیاسي یاکه حربي گروه بیلن علاقهسی بۉلمهگنینی، دایما تعلیم و علم بیلن شغللنگنینی اورغولهگنلر.
اولر انسان حقوقلری تشکیلاتلریدن اونینگ آزاد اېتیلیشی اوچون یاردم سۉرهشماقده.
طالبان نینگ هیراتدهگی رسميلری حاضرچه اونینگ حبسگه آلینیشی بۉییچه هېچ قندهی ایضاح بېرمهگن.
طالبان حاکمیتنی قَیته اېگهلهگنیدن بېری پنجشیر اهالیسی تېز-تېز تورلی ولایتلردن حبسگه آلینیب، قماققه تشلنهیاتگنی حقیده خبرلر بېریب کېلینماقده.
