امید شهید مزاری فوتسال تیمینینگ معلوم قیلیشیچه، طالبان سپورت مسووللری تامانیدن «شهید مزاری» نامینی جماعه نامیدن آلیب تشلش باسیمی طفیلی، مزارشریف شهریده اۉتکزیلیشی رېجهلشتیریلگن تۉرت تیم اشتراکیدهگی فوتسال مسابقهسیده قتنهشیشدن واز کېچگن.
تیم شونینگدېک، بیانات چیقریب، اۉز فعالیتینی «کېینگی بیلدیریشگچه» تۉختهتگنینی بیلدیرگن.
بیاناتده شوندهی دېییلگن: «بیز بو جماعهنی محبت، امید و غرور بیلن توزدیک؛ بو نام بیز اوچون عادي اسم اېمس اېدی. بو نام بیز نینگ شخصیتیمیزنینگ آوازی، عزت، غرور، ایشانچ و تاریخ رمزی اېدی. بیز او بیلن نفس آلدیک، کورهشدیک و غرور یرهتدیک شهید مزاری. اما بوگون عدالتسیزلیکلر و اَیریم مسووللر تامانیدن بېریلگن ناتۉغری گزارشلر آرهسیده آوازیمیز اعتبارسیز قالدی.»
تیمنینگ قۉشیمچه قیلیشیچه: «بیزدن حتا جماعه نامینی اۉزگرتیریش طلب قیلیندی، حالبوکه بو نام بیزنینگ بیر قِسمیمیز اېدی و بیز بونی قبول قیله آلمهدیک.»
اولر ینه یازهدی: «بیز توردیک، اما افسوسکی، شوندهی تۉسیقلر قۉییلدیکی، حتا مزارشریف شهریده عادي تۉرت جماعهلی تورنیر هم اۉتکزیلیشیگه تۉسقینلیک قیلیندی. شو سببلی آغیر یورهک بیلن اعلان قیلهمیز: امید شهید مزاری جماعهسینینگ فعالیتی وقتینچه تۉختهتیلهدی.»
«امید شهید مزاری فوتسال تیمی» ترکیبیده امید قنبری، عباس حیدری و مرتضی حسینی کبی افغانستان ملي فوتبالچیلری هم بار.
طالبان سپورت مسووللری حاضرچه بو دعوالرگه رسمي جواب بېرمهگن.
