طالبان عالي محکمهسی دایکندی ولایتیده تۉرت کیشیگه نسبتاً عامه آلدیده درّه جزاسی اجرا اېتیلگنینی معلوم قیلدی.
محکمه تامانیدن نشر قیلینگن بیاناتگه کۉره، بو شخصلر بوگون (دوشنبه،۱۰ حمل) «رۉزه یېب قۉییش» و «شراب یېتکزیش» عیبی بیلن درّه اوریلگن.
عالي محکمه بیاناتیگه بناءً، هر بیر شخصگه ۲۰ دن ۳۹ تگهچه درّه اوریلگن همده اولر ۲ آیدن ۲ ییلگچه اجرا اېتیلهدیگن قماق جزاسیگه هم حکم قیلینگن.
طالبان قَیته حاکمیتگه کېلگنیدن بېری بیر نېچه بار عیبلنووچیلرنی عامه آلدیده درّه اورگن، شونینگدېک، ۱۲کیشینی عامه آلدیده قتل اېتگن.
خلقارا انسان حقوقلری تشکیلاتلری اېسه بوندهی جسماني جزالر و قتل عملیاتلرینی خلقارا قانونلر و انسان قدر-قیمتیگه ضد دېب حسابلب، اولرنی تۉختهتیشگه چقیریب کېلماقده.
