غزنیده طالبلر امنیه قوماندانلیگینینگ معلوم قیلیشیچه، اوشبو ولایت مرکزیده بیر یاش قیز اۉزینی سوو قودوغیگه تشلب، اۉز جانیگه قصد قیلگن.
بو قوماندانلیک نشر قیلگن بیاناتده ایتیلیشیچه، حادثه تیناوون (شنبه،۸ حمل) غزنی شهرینینگ آلتینچی ناحیهسی نوآباد یوز بېرگن.
طالبان امنیه قوماندانلیگی بو یاش قیزنینگ اۉز جانیگه قصد قیلیشیگه سبب صفتیده «عایلهوي زۉروانلیک»نی کۉرسهتگن.
شونینگدېک، اولر مذکور حادثه یوزهسیدن تېرگاو ایشلری دوام اېتهیاتگنینی بیلدیرگن.
افغانستانده طالبان قَیته حاکمیتنی اېگهلهگنیدن سۉنگ، مملکتنینگ تورلی حدودلریدن یاش قیزلر اۉز جانیگه قصد قیلگنی حقیده کۉپلب حالتلر خبر قیلینگن.
اوشبو حادثهلرنینگ اکثریتیگه سبب صفتیده عایلهوي زۉروانلیک، کېلهجککه نسبتاً امیدسیزلیک و روحي معمالر تیلگه آلینماقده.
