پاکستان تشقی ایشلر وزیرلیگی معلومنینگ قیلیشیچه، سعوديه عربستانی تشقی ایشلر وزیری فیصل بن فرحان، تورکيه تشقی ایشلر وزیری هاکان فیدان و مصر تشقی ایشلر وزیری بدر عبدالعاطی، پاکستان تشقی ایشلر وزیری محمداسحاق دار تکلیفیگه بناءً اېرتهگه (یکشنبه، ۹ حمل) اسلام آبادگه تشریف بویورهدی.
وزیرلیک بیاناتیگه کۉره، اوشبو تشریف دوامیده مذکور دولتلر تشقی ایشلر وزیرلری منطقهدهگی کېسکینلیکنی کمهیتیریش بۉییچه سعی-حرکتلر کبی تورلی مسألهلر یوزهسیدن مذاکره اۉتکزهدی.
پاکستان تشقی ایشلر وزیرلیگینینگ قۉشیمچه قیلیشیچه، اوشبو اوچ دولت تشقی ایشلر وزیرلری باش وزیر شهباز شریف بیلن هم اوچرهشهدی.
بو تشریفلر امریکا و اسرایل نینگ اېران بیلن اوروشی کېنگهییشی یانیده منطقهده کېسکینلیکنی کمهیتیریشگه قرهتیلگن دیپلوماتیک سعی-حرکتلر کوچهیگن بیر پیتده عملگه آشماقده.
پاکستان ایران و امریکا اۉرتهسیده واسطهچیلیک قیلیش حرکتلرینی باشلهگن دولتلردن بیری حسابلنهدی.
پاکستان تشقی ایشلر وزیری ایکّی تامان اۉرتهسیده بالواسطه خبرلر المشیلگنینی هم تصدیقلهگن.
باش وزیر شهباز شریف اېسه پاکستان امریکا و اسرایل همده ایران اۉرتهسیده احتمالي مذاکرهلرگه مېزبانلیک قیلیشگه تیار اېکنینی بیلدیرگن.
