سعودیه عربستان تشقی ایشلر وزیرلیگی طالبلر و پاکستان اۉرتهسیدهگی رمضان هییتی مناسبتی بیلن اعلان قیلینگن وقتینچهلیک اۉت آچیشنی تۉختهتیش کېلیشووینی آلقیشلهدی.
وزیرلیک بیاناتیگه کۉره، سعوديه عربستانی، قطر و تورکیه تامانیدن ایلگری سوریلگن چقیریقلرگه ایکّی تاماننینگ ایجابي جواب بېرگنیدن منّتدارلیک بیلدیریلگن.
سعوديه عربستان تشقی ایشلر وزیرلیگی مذاکره و تینچ یۉل بیلن یېچیم تاپیش اوستوار یۉل بۉلیب قالیشینی تأکیدلهگن.
شونینگدېک، سعوديه عربستانی منطقهده تینچلیک، خوفسیزلیک و برقرارلیککه اېریشیش اوچون باشقه دولتلر بیلن همکارلیکده دیپلوماتیک سعی-حرکتلرینی دوام اېتتیریشینی بیلدیرگن.
پاکستان و طالبلر کېچه علیحده بیاناتلر چیقریب، رمضان هییتی مناسبتی بیلن و سعوديه عربستانی، قطر همده تورکيهنینگ مراجعتیگه بناءً اۉزارا هجوملرنی وقتینچهلیک تۉختهتگنینی اعلان قیلگن.
بو سۉنگگی تخمیناً اوچ هفته دوام اېتگن تۉقنهشوولردن کېینگی ایلک وقتینچهلیک صلح حسابلنهدی.
شو دور مابینیده تورلی دولتلر تامانلرنی کېسکینلیکنی کمهیتیریشگه و معمالرنی مذاکره آرقهلی حل قیلیشگه چقیریب کېلگن.
