ایران تشقی ایشلر وزیرلیگی سۉزلاوچیسی اسماعیل بقایی طالبان و پاکستان اۉرتهسیدهگی ماجرانینگ کوچهییب بارهیاتگنیدن چوقور خواطر بیلدیرگن.
او دیپلوماتيک یېچیمگه مراجعت قیلیش ضرورلیگینی تأکیدلب، کېسکینلیکنی آشیریشنینگ آلدینی آلیش کېرهکلیگینی ایتگن.
اسماعیل بقایی بوگون (چهارشنبه۲۷ حوت) کابلدهگی سۉنگگی هجوملرده کۉپلب افغانستانلیکلر اۉلدیریلگنیگه اشاره قیلیب، انسانلر حیاتینینگ یۉقاتلیشی و ملکلرنینگ ویران قیلینیشینی «جوده اچینرلی» دېب بهالهگن.
او ایراننینگ طالبان و پاکستان اۉرتهسیدهگی نزاعنی حل قیلیش و کېسکینلیکنی کمهیتیریش اوچون هر قندهی یاردم کۉرسهتیشگه تیارلیگینی بیلدیرگن.
طالبان و پاکستان اۉرتهسیدهگی تۉقنهشوولر ایکّی هفتهدن آرتیق دوام اېتماقده.
سۉنگگی کونلرده پاکستان کابلده هوا هجوملرینی عملگه آشیرگن.
طالباننینگ ادعاسیگه کۉره، اوشبو هجوملرده، جملهدن، مخدرمادهگه بېریلگنلرنی دوالش مرکزی نشانگه آلینگن بۉلیب، کمیده۴۰۰کیشی هلاک بۉلگن و۲۵۰ کیشی جراحتلنگن.
اما پاکستان بو عیبلاولرنی رد اېتیب، «فقط حربي هدف و ترورچیلر تاسیساتی» نشانگه آلینگنینی بیلدیرگن.
