افغانستان سابق جمهور رییسی حامد کرزی، پاکستاننی افغانستانده بېقرارلیک و ترتیبسیزلیک یرهتیشگه اورینهیاتگنلیکده عیبلهدی.
او اسکای نیوزگه بېرگن مصاحبهسیده پاکستاننی کابلدهگی «اميد» مخدرمادهگه بېریلگنلرنی دوالش مرکزیگه قیلینگن هجوم اوچون مسوول دېب بیلیب، اونی ایکّی دولت مناسبتلری تاریخیدهگی «جوده اچینرلی واقعه» دېب اتهگن.
حامدکرزینینگ ایتیشیچه، او شخصن پارتلش آوازینی اېشیتگن، اویی سیلکینگن و اطرافنی توتون همده چنگ قاپلهگن.
اونینگ فکریچه، پاکستان افغانستاندهگی هېچ بیر توزوم بیلن – شاهیدن تارتیب جمهوریتگچه کېلیشه آلمهگن.
کرزی «اچینرلی حقیقت شوکی، پاکستان افغانستان بیلن عاقلانه، منطقي و مدني مناسبتلر اۉرنهتیشنی ایستهمهیدی دېگن.»
اونینگ قۉشیمچه قیلیشیچه، پاکستان ییللر دوامیده افغانستانده ضعیفلیک و ترتیبسیزلیک یرهتیش سیاستیگه تهینگن، بو اېسه «جوده ناتۉغری».
حامد کرزینینگ ایتیشیچه، حاضرگی پاکستان حکومتی هم شو یۉلنی دوام اېتتیریب، طالبلرنی ضعیفلشتیریشگه اورینماقده.
او پاکستاندن سیاستینی اۉزگرتیریب، افغانستان بیلن برقرارراق و مدنيراق مناسبتلر اۉرنهتیشینی امید قیلگن.
او پاکستان رسميلریگه مراجعت قیلیب شوندهی دېگن: «التماس، اۉتگن اۉن ییللیکلرده ثمره بېرمهگن و کېلهجکده هم بېرمسلیگی ممکن بۉلگن یاندشوولرنی تۉختهتینگ.»
کابلدهگی «اميد» مخدرمادهگه بېریلگنلرنی دوالش مرکزی دوشنبه کونی کېچهسی هوا هجومیگه اوچرهگن.
طالبلر بو هجوم اوچون پاکستاننی عیبلب، اونده ۴۰۰کیشی هلاک بۉلگن و ۲۵۰ کیشی یرهلنگنینی بیلدیرگن.
اما پاکستان بو هجومنی رد اېتیب، «ترورچیلرنی قۉللب قوتلش همده و حربي تاسیساتنی نشانگه آلگنینی» ادعا قیلگن.
