افغانستان خبرچیلر مرکزینینگ ایتیشیچه، ۱۴۰۴ییلیده مملکتده عامهوي اخبارات واسطهلری اېرکینلیگی بوزیلیشینینگ و ژورنالیستلرگه قرشی زۉروانلیک نینگ۲۰۷ ته حادثهسی رۉیخطگه آلینگن.
اوشبو مرکز بوگون (چهارشنبه،۲۷ حوت) «افغانستانده یېتکرمهلر آزادلیک وضعیتی» بۉییچه ییللیک گزارشینی «خبرچیلر ملی کونی» مناسبتی بیلن نشر قیلگن.
افغانستان خبرچیلر مرکزینینگ معلوم قیلیشیچه، رۉیخطگه آلینگن حادثهلر آرهسیده ۲ نفر ژورنالیست نینگ اۉلیمی، 1 کیشی ژورنالیستنینگ جراحت آلیشی،۱۸۳ ته ژورنالیست و یېترمهگه قرشی تهدید، 21 ته ژورنالیست و یېتکرمه فعاللرینینگ حبسگه آلینیشی موجود.
اوشبو مرکز۱۴۰۴ ییلده عاموی اخبارات واسطهلری اېرکینلیگی بوزیلیش حالتلری۱۴۰۳ ییلگه نسبتاً۲۰ فایزدن آرتیق اۉسیشنی کۉرستهدی دېب قۉشیمچه قیلگن.
گزارشگه کۉره،۱۴۰۳ ییلده۱۷۲ ته حادثه، جملهدن۱۲۲ ته تهدید و۵۰ ته ژورنالیست حبسگه آلینیشی قید اېتیلگن.
افغانستان خبرچیلر مرکزینینگ ایتیشیچه «سۉنگگی۱۲ آیده حکمران (طالبان) ادارهسینینگ یېتکرمهگه باسیمی سانسور و قتّيق نظارتگه آلیب کېلدی. قماقدهگی ژورنالیستلرنینگ مجبوري تن آلیشی یاکه عیال ژورنالیستلرنینگ یوقاری مرتبهلی اداره وکیللری مطبوعات انجمنلریده قتنهشیشینینگ چېکلنیشی و جانلی کنفرانسلرده عیال ژورنالیستلرنینگ آوازینی سانسور قیلیش بولرنینگ برچهسی اوّل مملکتده کوزهتیلمهگن قۉرقوو، باسیم و کوچلی جنسیتی سیاستینی ترغیب اېتیش مثاللری دیر.»
مرکزنینگ قۉشیمچه قیلیشیچه، «۲۰۲۴ییلده طالباننینگ چېکلاولری کوچهیگن و یېتکرمهنینگ کم درآمد منبعلری، اعلانلر و مالیهلشتیریلگن دستورلر همده خلقارا یاردملر کېسکین کمهیگن»
حساباتگه کۉره، «بو وضعیت عامهوی اخبارات واسطهلر دستورلر و خادملرنی قیسقرتیریشگه، قتّيق اقتصادي چارهلرنی قۉللشگه مجبور قیلماقده»
افغانستان خبرچیلر مرکزینینگ بیلدیریشیچه، بو حالت ولایتلردهگی کیچیک یېتکرمهلرگه جوده آغیر تأثیر قیلگن، بعضیلری فعالیتینی تۉختگن یاکه فقط اعلان و لایحه تاپیلگنده ایشنی دوام اېتتیرگن.
شونگه قرهمهی، طالبان رسمي و نارهسمي توزیلمهلر آرقهلی دولتی و خصوصی یېتکرمهلرنی پراپگنده و ترغیبات واسطهلریگه ایلنتیرگن دېدی مرکز.
مرکزنینگ تأکیدلشیچه، طالبلر وکیللری مستقل و اېرکین رسانهنی باستیریش، اخباراتگه کیریشنی چېکلش، «بیر آوازلی سیاست» و بیر تمانلمه حکایهلرنی ترغیب قیلیش، مستقل ژورنالیستلرنی آبروسیزلنتیریش اوچون آچیق و یشیرین، مرکّب توزیلمهلرنی باشقرهدی.
افغانستان خبرچیلر مرکزی، بو جریان «مستقل یېتکرمه و سۉز اېرکینلیگینی مثلی کۉریلمهگن درجهده ضعیفلشتیرگن» و کۉپلب ژورنالیستلرنی مملکتنی ترک اېتیشگه مجبور قیلگن.
مرکز چوقور تشویش بیلدیرگن یېتکرمه اېرکینلیگی و نظارت کوچهییشی جمعیتنینگ ساغلیگی و کېلهجگیگه خوف توغدیرهدی و طالبلردن ژورنالیستلر و یېتکرمهلرنینگ اساسي حقوقلری و اېرکینلیکلریگه حرمت قیلیشنی سۉرهگن، شونده اولر قۉرقووسیز و باسیمسیز ایشلهی آلیشهدی.
طالبلر افغانستانده حاکمیتنی قَیته قۉلگه آلگنیدن بېری یېتکرمه و ژورنالیستلر فعالیتیگه کېنگ چېکلاولر جاري قیلگن، کۉپ ژورنالیست و میدیا فعالینی حبسگه آلگن و عاموی اخبارات واسطهلر فعالیتینی تۉختهتگن.
اولر شونینگدېک، «امر به معروف و نهی از منکر» قانونیده جانلی تصویرنی نشر اېتیشنی تعقیقلهگن و بو قاعدهنی بجریش عاقبتیده ۲۰ دن آرتیق ولایتده رسانهلر فعالیتینی تۉختتگن یاکه رادیو فورمتیگه اۉتکزگن.
