بیرلشگن ملتلر تشکیلاتینینگ انسان حقلری بۉییچه مخصوص گزارشگری ریچارد بنت، پاکستاننینگ افغانستانگه قیلگن هوا هجوملری و بونینگ عاقبتیده تینچ اهالی آرهسیده تلفاتلر یوزهگه کېلگنیدن چوقور خواطر بیلدیردی.
او، تامانلردن کېسکینلیکنی کمهیتیریشنی، ماکسیمال درجهده اۉزینی تيیشنی همده خلقارا قانونلرگه، جملهدن تینچ اهالی و غیر نظامی مکانلر و شفاخانهلرنی حمایه قیلیشگه رعایه اېتیشنی سۉرهدی.
پاکستان کېچه افغانستان پایتختی کابلده اَیریم نشانلرنی بامباردمان قیلگن.
طالبان معلوماتیگه کۉره، جملهدن گیاهوندلیکدن دوالش مرکزی هم نشانگه آلینگن بۉلیب، بو هجوم نتیجهسیده کمیده۴۰۰ کیشی جان بېرگن و ینه۲۵۰کیشی جراحت آلگن.
