افغانستاننینگ بیرلشگن ملتلر تشکیلاتیدهگی نمایندهلیگی سرپرستی نصیراحمد فایق، پاکستاننینگ کابلدهگی گیاهوندلیکدن دوالش مرکزیگه اویوشتیرگن هجومینی قارهلب، بو بارهده شفّاف و مستقل تېرگاو اۉتکزیلیشینی طلب قیلدی.
فایق ایکس اجتماعی ترماغیده یازگن پُستیده اوشبو هجومنی «ظالمانه و قبول قیلیب بۉلمهیدیگن» دېب اتهدی.
اونینگ قۉشیمچه قیلیشیچه، «شفاخانهلر و تینچ اهالیگه هجوم قیلیش خلقارا قانونلرنینگ آچیقدن-آچیق بوزیلیشی بۉلیب، بو اوروش جنایتی صفتیده بهالنیشی ممکن دېگن.»
افغانستاننینگ بیرلشگن ملتلر تشکیلاتیدهگی سرپرستی شونینگدېک، بوندهی هجوملرنی و تینچ اهالینی نشانگه آلیشنی درحال تۉختهتیشگه چقیردی.
پاکستان کېچه کابلده گیاهوندلیکدن دوالش مرکزینی هوا هجومی بیلن نشانگه آلگن.
طالباننینگ معلوماتیگه کۉره، اوشبو هجومده کمیده۴۰۰ کیشی جان بېرگن و ینه۲۵۰ کیشی یرهلنگن.
