محلي منبعلر افغانستان پایتختی کابل شهرینینگ تورلی حدودلریده پارتلش و آتیشمه آوازلری اېشیتیلگنی حقیده خبر بېرماقده.
منبعلرگه کۉره، پارتلش و آتیشمه آوازلری جملهدن دارلامان، ارزان قیمت، خیرخانه همده کابل خلقارا قۉنالغه اطرافیدهگی حدودلرده اېشیتیلگن.
بعضی منبعلر، شونینگدېک، کابلدهگی «تېپه مرنجان» حدودیده جایلشگن طالباننینگ بیر حربي مرکزی هجومگه اوچرهگنینی هم خبر قیلماقده.
منبعلر، کابل آسمانیده اوچووچیسیز اوچاقلر بارلیگینی بیلدیرگن.
اطلاعات روز گزېتهسی قۉلیگه یېتیب کېلگن ویدېولرده هم آتیشمه آوازلری و اوچووچیسیز اوچاقلرنینگ آوازی اېشیتیلهدی.
طالبان رسميلری حاضرچه بو بارهده هېچ قندهی ایضاح بېرمهگن.
