چین تشقی ایشلر وزیرلیگی طالبان و پاکستان اۉرتهسیدهگی تنگلیکنی حل قیلیش اوچون اولر امکان قدَر تېزراق یوزمه-یوز مذاکره اۉتکزیشیگه امید بیلدیرگن.
چین تشقی ایشلر وزیرلیگی سۉزلاوچیسی لین جیان بوگون (دوشنبه، ۲۵حوت) بۉلیب اۉتگن مطبوعات انجمنیده شوندهی دېدی: چین افغانستان (طالبان) و پاکستان تینچلیکنی سقلب، اۉزینی تيیشینی، امکان قدَر تېزراق یوزمه-یوز مذاکره اۉتکزیشینی، امکان قدَر تېزراق اۉت آچیشنی تۉختهتیشگه اېریشیشینی و کېلیشماوچیلیک همده تۉقنهشوولرنی ملاقات آرقهلی حل قیلیشینی امید قیلهدی.
اونینگ ایتیشیچه، چین سۉنگگی بیر هفته دوامیده ایکّی تامان اۉرتهسیده واسطهچیلیک قیلیشگه حرکت قیلماقده. شو دایرهده چین تشقی ایشلر وزیری وانگ یی طالبان و پاکستان تشقی ایشلر وزیرلری بیلن صحبتلشگن، بو مملکتنینگ مخصوص وکیلی کابل و اسلام آبادگه سفر قیلگن همده چین اېلچیخانهلری هم هر ایکّی تامان بیلن یقین علاقهده بۉلگن.
چین تشقی ایشلر وزیرلیگی سۉزلاوچیسی چین طالبان و پاکستان اۉرتهسیده یرهشوونی آسانلشتیریش و تنگلیکنی کمهیتیریش اوچون حرکتلرینی دوام اېتتیریشینی ایتدی.
طالبان و پاکستان اۉرتهسیدهگی بو تنگلیک ایکّی هفتهدن آرتیق دوام اېتماقده.
بو وقت ایچیده پاکستان افغانستاننینگ تورلی ولایتلرینی هوا و راکت هجوملری بیلن نشانگه آلگن، طالبان اېسه پاکستان تامانگه درونلر اوچیرگن همده چېگرهدهگی پُستهلرگه هجوم قیلگن.
