محلي طالبان مسووللرینینگ ایتیشیچه، بدخشان ولایتینینگ شهربزرگ اولسواللیگیده بیر موتر وادينینگ توبیگه قولهشی نتیجهسیده بېش کیشی جان بېرگن و ینه تۉرت کیشی یرهلنگن.
بدخشان ولایتی شهر بزرگ اولسواللیگینینگ اولسوالی عبدالرشید رشاد حادثه بوگون، یکشنبه، ۲۴ حوتده، « کوتل کاتک» حدودیده یوز بېرگنینی معلوم قیلگن.
او نینگ قۉشیمچه قیلیشیچه، حادثهده «فرونر» توریدهگی موتر یۉلدن چیقیب، وادي نینگ توبیگه توشگن.
شهر بزرگ اولسواللیگی یرهلنگنلر صحی مرکزلریگه یېتکزیلگن دېگن.
بوندن آلدین هم بدخشانده شونگه اۉخشش حادثهلر بیر نېچه بار قید اېتیلگن.
یۉل نینگ تاغلی بۉلیشی و یامان حالتدهگی یۉللر بوندهی حادثهلر یوز بېریشی نینگ اساسي سببلریدن بیری صفتیده کۉرسهتیلماقده.
