«افغانستاننی قوتقریش ملی مقاومت عالي کېنگشی» افغانستان اسلامي وحدت حزبینینگ سابق رهبری عبدالعلی مزاری نهفقط سیاسي یېتکچی، بلکه ظلمگه اوچرهگنلرنینگ آوازی و عدالتسیزلیک، استبداد و حاکمیتنی انحصار قیلیش برابریده قرشیلیک رمزی اېدی دېگن.
بوگون (جمعه ۲۲ حوت) اوشبو کېنگش عبدالعلی مزاري شهید بۉلگنینینگ ۳۱-ییللیگیگه بغیشلب نشر قیلگن پیامیده، او افغانستان فقط برچه اېلتلر و فقرالری سیاسي تقدیرده تېنگ و عدالتسیزلیگیسیز اشتراک اېتگنده برقرارلیک و ترقیاتنی قۉلگه کیریتیشگه ایشانردی دېگن.
«افغانستاننی قوتقریش ملی مقاومت عالی کېنگشی» شونینگدېک مزاری حمایه قیلگن سیاسي فکرلر بوگون هم ینگی اولادلر اوچون عدالتلی جمعیت قوریشده الهام منبعی بۉلیب قالماقده.
کېنگشنینگ قۉشیمچه قیلیشیچه، «افغانستان کېنگ مقیاسدهگی اوروشلر، اختلافلر و عدالتسیزلیکلر بیلن تۉقنش کېلگن دورده، شهید مزاری بلند آواز بیلن عدالت، سیاسي اشتراک، تینچلیک و انسانلرنینگ، خصوصاً، امکانیتدن محروم عیاللر حقوقلرینی حمایه قیلگن»
«افغانستاننی قوتقریش ملي قرشیلیک کېنگشی» مزاری اېلتلر و دینلر اۉرتهسیدهگی ملاقات، توشونیش و اۉزارا حرمت یۉلینی مملکتنی قوتقریشنینگ یگانه یۉلی دېب بیلگن، و عیناً شو کېنگ قمراولی قرهش اونی خلق آرهسیده «ملي وحدت شهیدی» صفتیده تنیتدی.
کېنگش، «افغانستان بوگون افسوسکی ینه جهالت، احماقلیک، استبداد، عدالتسیزلیک، انحصارلیک و طالبان تامانیدن باستیریش شرایطیده بۉلیب توریبدی، شوندهی پیتده مزاری کبی شخصلرنینگ یۉل و عادتیگه ایلگری هېچ قچان بۉلمهگن درجهده احتیاج بار. شو سببلی، افغانستاننی قوتقریش عالي ملي قرشیلیک کېنگشی مزاری و باشقه بویوک شهیدلرنینگ غایهلری الهامی بیلن، موجود ظلم و قارانغولیککه قرشی کورهشده قطعیتلی اېکنلیگینی بیلدیرهدی»
افغانستان اسلامي وحدت حزبینینگ رهبری و اساسچیسی عبدالعلی مزاری ۱۳۷۳-ییل۲۲ حوتده طالبلر بیلن مذاکره قیلیش اوچون کابلنینگ چهارآسیاب منطقهسیگه بارگنیده اوشبو گروه تامانیدن حبسگه آلینگن و همراهلریدن بیر نېچتهسی بیلن آتیب تشلنگن.
افغانستان سابق حکومتی ۲۰۱۶-ییلده عبدالعلی مزريگه «ملي وحدت شهیدی» لقبینی بېرگن.
