طالبان مدافعه وزیرلیگی پاکستاننینگ خیبرپختونخوا ایالتیدهگی حربي مرکز و انشااتلرینی هوا هجومی آرقهلی نشانگه آلگنینی بیلدیردی.
وزیرلیکنینگ نشر قیلگن بیاناتیده ایتیلیشیچه، اوشبو هجوملر بوگون اېرتهلب (جمعه،۲۲ حوت) عملگه آشیریلگن بۉلیب، اولر کېچهگی پاکستاننینگ هوا هجوملریگه جواب صفتیده عملگه آشیریلگن.
طالبان مدافعه وزیرلیگی ادعاسیگه کۉره، بو هجوملر دوامیده «کوهات حربي قلعهسی» و اونینگ قوماندانلیک ادارهسی همده اوشبو حدوددهگی «اوروش قوماندانلیگی مرکزی» نشان آلینگن.
وزیرلیک شونینگدېک، هجوملر نتیجهسیده «حربي انشااتلر، قوماندانلیک مرکزی، انبارلر و عسکرلرنینگ یشش جایی» کوهات قلعهسیده یۉق قیلینگنینی و پاکستانگه «کتّه مادّي و جانی ضرر یېتکزیلگنینی» ادعا قیلگن.
حاضرگچه پاکستان رسميلری اوشبو هجوملر بۉییچه ایضاح بېرمهگن.
پاکستان کېچه کابل، قندهار، پکتیکا و پکتیا ولایتلریدهگی مقصدلرنی هوا هجومیگه اوچرهتگن.
طالبان معلوماتیگه کۉره، کابلگه هجومده کمیده تۉرت نفر تینچ اهالی هلاک بۉلگن و۱۵ کیشی جراحت آلگن.
حاضرگچه باشقه ولایتلردهگی ضررلرگه عاید گزارش حقیده هیچ نرسه دییلمهگن.
