افغانستاننینگ سابق جمهور رییسی حامد کرزی کابل، قندهار، پکتیا و پکتیکا ولایتلریگه پاکستان تامانیدن اویوشتیریلگن هوا هجوملرینی قتّیق قارهلهدی.
کرزی بوگون نشر قیلگن بیر بیاناتیده ایتیشیچه، اوشبو هجوملر «یقین قۉشنیچیلیکنی، انساني قدریتلرنی و خلقارا قانونلرنی آشکار و جدّي طرزده بوزیش» دیر.
او ینه پاکستان حکومتیدن «خصومتدن قۉل کۉتریب، اوزاق مدتلی نقطهی نظر بیلن حرکت قیلیش و افغانستان بیلن یخشی، مدني مناسبت و سیاست آلیب باریشنی» سۉرهدی.
طالبلرنینگ تصدیقلشیچه، کېچه پاکستان کابل پایتختی و قندهار، پکتیا و پکتیکا ولایتلریدهگی اَیریم نشانلرگه هجوم قیلگن.
طالبلر مطبوعات سۉزلاوچیسی ذبیحالله مجاهد بو هجوملرده تینچ اهالی اویلری نشانگه آلینگنی و عیاللر همده بالهلر هلاک بۉلگنینی ایتدی.
حاضرگچه اوشبو هجوملر نتیجهسیدهگی انیق تلفاتلر حقیده معلومات بېریلمهگن.
