محلي منبعلرگه کۉره، طالبان و پاکستان اۉرتهسیدهگی دوام اېتهیاتگن ماجرالر ننگرهار ولایتیده یوزلب عایلهلرنی اۉز اویلریدن محروم قیلگن.
منبعلرنینگ ایتیشیچه، بو عایلهلر دار بابا، نازیان، اچین، گوشته، مومند دره و هسکهمینه اولسواللیکلریدن قاچیب، حاضرده بیهسود اولسواللیگیدهگی وقتینچهلیک کمپلرده یشهماقدهلر.
قاچقینلرنینگ ایتیشیچه، اولرنینگ اوی-جایلری پاکستاننینگ هوا و راکت هجوملریده ویران بۉلگن و برچه مال-ملکلری یۉق بۉلگن.
نصرالله، گوشته اولسواللیگی یشاوچی، بیر نېچه کون آلدین اویینینگ پاکستان راکتی بیلن ضربه آلگنینی ایتدی.
اونینگ سۉزلریگه کۉره، اوچ عایله اعضاسی یرهلنگن، چاروا حیوانلری یۉقالگن و اویی ویران بۉلگن. نصرالله قیشلاغنی ترک اېتیشگه مجبور بۉلیب، حاضرده چادرلرده یشهماقده.
محمداکبر، مومند دره تومنیده یشاوچی، اوی و دکانی پاکستان هجوملریده ویران بۉلگنینی بیلدیردی.
اونینگ ایتیشیچه، بو اولسواللیکده یوزلب عایلهلر حیاتلرینی سقلش اوچون اویلرینی ترک اېتیشگه مجبور بۉلگن.
قاچقینلر طعام و با باشقه یاردمیگه جدّي احتیاج سېزیشماقده و چادرلرده قیین شرایطده یشهشماقده.
ننگرهار طالبلرنینگ مطبوعات آمری قریشی بدلوننینگ ایتیشیچه، قیزیل خاچ و خیریه تشکیلاتلری قاچقینلرگه یاردم بېرماقده و خلقارا تشکیلاتلرنینگ یاردمی یقین کونلرده یېتیب کېلهدی.
طالبان و پاکستان اۉرتهسیدهگی اوروش بیر هفتهدن بېری دوام اېتماقده.
بیرلشگن ملتلر تشکیلاتی معلوماتلریگه کۉره، بو اوروش۱۸۵ نفر فقرانی اۉلدیرگن یاکه جراحت یېتکزگن و۲۰ مینگدن آرتیق عایلهنی قاچقین قیلگن.
