بیرلشگن ملتلر تشکیلاتینینگ عیاللر بۉلیمی «خلق ارا عیاللر» کونی عرفهسیده طالبلردن افغانستاندهگی بیرلشگن ملتلر تشکیلاتینینگ ادارهلریگه محلي عیال خادملرنینگ کیریشینی منع قیلیش حقیدهگی قرارنی بېکار قیلیشنی سۉرهدی.
اوشبو تشکیلات بوگون (شنبه،۱۶ حوت) اعلان قیلگن بیاناتیده افغانستانده عیال خادملرنینگ بیرلشگن ملتلر تشکیلاتی ادارهلریگه کیریشی منع قیلینگنیگه حاضر آلتی آی بۉلگنینی ایتدی.
بیرلشگن ملتلر تشکیلاتی عیاللر بۉلیمینینگ افغانستاندهگی وکالتخانهسی مسوولی سوزان فرگوسن، بو تشکیلات و اونینگ همکارلری افغانستانلیک عیاللرنینگ تۉلیق و تۉسقینلیکسیز اشتراکیسیز افغانستان عیاللری و قیزلریگه خوفسیز طرزده یېتیب باره آلمهیدی یاکه اولر نینگ مدني جهتدن ماس و احتیاجلریگه جواب بېرهدیگن یاردملرنی تقدیم اېته آلمهیدی دېدی.
او یاردملر «عیاللر تامانیدن و عیاللر اوچون» تقدیم اېتیلیشی کېرهکلیگینی تأکیدلهدی.
بیرلشگن ملتلر تشکیلاتینینگ عیاللر بۉلیمی مسوولی شونینگدېک، بیرلشگن ملتلر تشکیلاتی نینگ ادارهلری، جمغرمهلری و دستورلری اساسي همده پرینسپال فعالیتلرنی سقلب قالیش اوچون منتظم روشده عملیاتی اۉزگریشلر کیریتیب کېلهیاتگنینی ایتدی.
محلي عیال خادملرگه قۉییلگن چېکلاولر قنچه اوزاق دوام اېتسه، افغانستاندهگی حیاتنی سقلب قالووچی خدمتلر اوچون خوف شونچه آرتهدی دېب آگاهلنتیردی.
طالبان۲۰۲۵ ییل سپتامبر آیینینگ باشیده افغانستانلیک عیال خادملرنینگ بیرلشگن ملتلر تشکیلاتی آفیسلریگه کیریشینی تعقیقلهگن اېدی.
شوندن بویان بیرلشگن ملتلر تشکیلاتی بیر نېچه بار اوشبو تعقیقنی بېکار قیلیشنی سۉردی، اما طالبان حاضرگچه بو چقیریقلرگه اعتبار بېرمهگن.
