بیرلشگن ملتلر تشکیلاتینینگ افغانستان بۉییچه انسان حقوقلری مخصوص گزارشگری ریچارد بنت، ایراندهگی اوروشگه اشاره قیلیب، بو مملکتده یشهیاتگن میلیونلب افغانستان مهاجرلریدن خواطرده اېکنینی ایتدی.
جناب بنت بوگون (پنجشنبه،۱۴حوت) ایکس اجتماعی ترماغیده یازگن پُستیده، اینیقسه قانوني مقامگه یاکه اجتماعي حمایهگه اېگه بۉلمهگنلر، جملهدن یالغیز عیاللر حقیده جدّي تشویشده اېکنینی تأکیدلهدی.
او کېسکینلیکنی کمهیتیریشگه و جوابگرلیککه چقیریب، اوروش یېچیم اېمسلیگینی، عکسینچه وضعیتنی ینهده یامانلشتیریشینی ایتدی.
تخمیناً تۉرت میلیون مهاجر ایرانده یشهیدی. ایرانده اوروش باشلنگنی و انترنت اوزیلگنی آرتیدن افغانستاندهگی عایلهلر مهاجر قرینداشلرینینگ احوالیدن بېخبر قالماقده، بو اېسه اولرنینگ خواطرینی ینه-ده کوچهیتیرماقده.
