طالباننینگ پنجشیر ولایتی حاکمی ادارهسی اوشبو ولایت کانلریدن قزیب آلینگن اوچ مینگ ۶۵۷قیراط زمرد اوچ میلیون ۸۷۰مینگ ۹۴۲ افغانی قیمتیده ساتیلگنینی معلوم قیلدی.
طالباننینگ پنجشیردهگی حاکمی سۉزلاوچیسی سیفالدین لتوننینگ ایتیشیچه، بو مقداردهگی زمرد بوگون (سهشنبه،۱۲حوت) آچیق سودا آرقهلی ساتیلگن.
اونینگ قۉشیمچه قیلیشیچه، اوشبو زمرد سۉنگگی ایکّی هفته ایچیده پنجشیرنینگ حصه اوّل تومنی کانلریدن قزیب آلینگن.
طالبان معلوماتیگه کۉره، پنجشیر زمردلری سوداسیدن توشگن مبلغ نینگ۱۰ فایزی اوشبو گروه خزینهسیگه اۉتکزیلهدی، قالگن قِسمی اېسه شرطنامه اساسیده ایشلهیاتگن کمپنیلرگه بېریلهدی.
طالبان افغانستان اوستیدن قَیته نظارتنی قۉلگه کیریتگنیدن سۉنگ پنجشیرنینگ زمرد کانلرینی کېنگ کۉلمده قزیب آلیب، محصولاتینی ساتیشگه کیریشگن.
حاضرده بو گروه پنجشیرده یاقوت، بیروج وگرینگارنت کانلرینی قزیب آلیشنی هم باشلهگن.
