طالباننینگ مطبوعات سۉزلاوچیسی اۉرینباسری، افغانستانگه قرشی پاکستاننینگ هوا و راکت هجوملریده حاضرگچه۱۱۰ نفر تینچ اهالی هلاک بۉلگنینی و۱۲۳ نفری جراحتلنگنینی معلوم قیلدی.
او بوگون (سهشنبه،۱۲ حوت) مطبوعات انجمنیده ایتیشیچه، قربانلرنینگ اکثریتی عیاللر و بالهلردیر.
سۉزلاوچی اۉرینباسرینینگ قۉشیمچه قیلیشیچه، بو تلفاتلر ننگرهار، کنر، خوست، پکتیا، پکتیکا و قندههار ولایتلریده قید اېتیلگن.
اونینگ ایتیشیچه، پاکستان کوچلری لغمان، ننگرهار، کنر، خوست، پکتیکا و قندهار ولایتلریده آدملرنینگ اویلرینی، مسجدلر، دیني مدرسهلر، مهاجرلر کمپی و عمومي تاسیساتلرنی نشانگه آلگن.
اونینگ معلوماتیگه کۉره، اوشبو هجوملر نتیجهسیده 37 ته اوی بوتونلهی، ۳۱۶ته اوی قسماً ویران بۉلگن.
بیرلشگن ملتلر تشکیلاتینینگ افغانستاندهگی یاردم ادارهسی (یوناما) بوگون افغانستانگه قرشی پاکستان هجوملریدهگی تینچ اهالی تلفاتلری بۉییچه باشقهچه معلومات اعلان قیلدی.
یونامانینگ معلوم قیلیشیچه، حاضرگچه پاکستان هجوملریده۴۲ نفر تینچ اهالی هلاک بۉلگن،۱۰۴نفری جراحتلنگن اون آلتی مینگ ۴۰۰ دن آرتیق عایله اۉز اویینی ترک اېتیشگه مجبور بۉلگن.
طالبان و پاکستان اۉرتهسیدهگی اوروش اۉتگن پنجشنبه آقشامیدن باشلنگن و طالباننینگ پاکستان چېگره پُستهلریگه جواب ضربهسی بیلن باشلنگن بو ماجرا هنوز دوام اېتماقده.
پاکستان بو دور ایچیده افغانستاندهگی۵۱ دن آرتیق جاینی بامباردمان قیلگن، طالباننینگ پاکستان چېگره پُستهلریگه هجوملری هم دوام اېتماقده.
