بیرلشگن ملتلر تشکیلاتینینگ افغانستاندهگی یاردم ادارهسی (یوناما)نینگ معلوم قیلیشیچه، طالبان و پاکستان اۉرتهسیدهگی تۉقنهشوولر باشلنگنیدن بویان افغانستانده۱۴۶ نفر تینچ اهالی، جملهدن عیاللر اۉلدیریلگن و یرهلنگن.
یوناما بوگون (سهشنبه،۱۲ حوت) نشر قیلگن بیاناتیده، اوشبو کۉرستکیچ ۲۶فبروریدن ۲- مارچگچه قید اېتیلگن۴۲ نفر هلاک بۉلگن و ۱۰۴ نفر جراحتلنگن شخصنی اۉز ایچیگه آلیشینی بیلدیرگن.
یونامانینگ معلوم قیلیشیچه، بو تلفاتلر پکتیا، ننگرهار، کنر و خوست ولایتلریدهگی تورر- جای حدودلریگه یۉنهلتیریلگن تۉغریدن-تۉغری اۉق آتیشلری عاقبتیده یوز بېرگن.
یونامانینگ قۉشیمچه قیلیشیچه، پکتیکا و ننگرهار ولایتلریدهگی هوا هجوملری هم تینچ اهالی آرهسیده تلفاتلرگه سبب بۉلگن.
بیرلشگن ملتلر تشکیلاتی یاردم ادارهسی طالبان و پاکستاندن چېگره آلدی تۉقنهشوولرنی تۉختهتیشنی سۉرهگن.
شونینگدېک، یوناما هر ایکّی تاماننی خلق ارا مجبوريتلریگه، جملهدن خلق ارا انسان حقوق نارملریگه رعایه قیلیشگه و جنگلر دوامیده تینچ اهالینی حمایه قیلیشنی تأمینلشگه چقیرگن.
طالبان و پاکستان اۉرتهسیدهگی اوروش اۉتگن پنجشنبه آقشامیدن باشلنگن و حاضرگچه دوام اېتماقده.
پاکستاننینگ معلوم قیلیشیچه، شو مدت ایچیده افغانستانده کمیده۵۱ ته جای بامباردمان قیلینگن. پاکستاننینگ چېگره حدودلریگه یۉنهلتیریلگن راکت هجوملری هم دوام اېتگن.
اېنگ سۉنگگی حالتده، کېچه طالبان کنر ولایتیدهگی مهاجرلر کمپلریگه راکت تېگیشی عاقبتیده کمیده اوچ نفر باله هلاک بۉلگنی، ینه اوچ باله و بیر عیال جراحت آلگنینی اعلان قیلگن.
