طالبلرنینگ جوزجان ولایتیدهگی امنیه قوماندانلیگینینگ معلوم قیلیشیچه، اوشبو ولایتده یوز بیرگن ترافیک حادثهسی عاقبتیده کمیده تۉرت کیشی هلاک بۉلگن، ینه بېش کیشی جراحت آلگن.
طالبلرنینگ جوزجاندهگی امنیه قوماندانلیگی سۉزلاوچیسی عبدالستّار حلیمينینگ ایتیشیچه، حادثه تیناوون (یکشنبه، ۱۱ حوت) کېچقورون « حدبخشی» حدودیده، جوزجان-سرپل یۉنهلیشیده یوز بېرگن.
اونینگ قۉشیمچه قیلیشیچه، حادثهده «پاسو» روسوملی موتر «ویتس» روسوملی موتر بیلن تۉقنشگن. نتیجهده هر ایکّی موتر هیداوچیسی، بیر عیال و بیر اېرکک هلاک بۉلگن، ینه بېش کیشی، جملهدن ایکّی باله جراحت آلگن.
طالباننینگ جوزجاندهگی امنیه قوماندانلیگی سۉزلاوچیسینینگ ایتیشیچه، جراحتلنگنلر دوالنیش اوچون شفاخانهگه یېتکزیلگن.
مذکور حادثهنینگ کېلیب چیقیش سببلری حاضرچه انیقلشتیریلمهگن.
افغانستانده ترافیک حادثهلری هر ییلی یوزلب آدم نینگ حیاتیگه ضامن بۉلماقده و ینه یوزلب کیشی جراحتلنماقده.
بو کبی حادثهلرنینگ اساسي سببلری صفتیده هیداوچیلرنینگ احتیاطسیزلیگی، یۉل بېلگیلری یېتیشمسلیگی و ترانسپورت یۉللرینینگ یراقسیز حالتی کۉرسهتیلهدی.
