طالبان سۉزلاوچیسینینگ اۉرینباسری حمدالله فطرتنینگ ایتیشیچه، پاکستان اوردوسینینگ تونگی هجوملری عاقبتیده ننگرهار و پکتيا ولایتلریده اوچ کیشی، جملهدن بیر عیال هلاک بۉلگن، ینه اوچ کیشی یرهلنگن.
اونینگ قۉشیمچه قیلیشیچه، تیناوون (شنبه،۹ حوت) ساعت تخمیناً۱۱:۰۰ اطرافیده پاکستانگه تېگیشلی اوچووچیسیز طیارهلر ننگرهار ولایتینینگ غنی خیل تومنیده تینچ اهالی اویلریگه هجوم قیلگن. نتیجهده بیر عیال و بیر اېرکک هلاک بۉلگن، ینه ایکّی کیشی یرهلنگن.
شونینگدېک، اوشبو هجومده تۉرت اوی ویران بۉلگنی ایتیلگن.
طالبان سۉزلاوچیسینینگ اۉرینباسری، تیناوون پکتيا ولایتینینگ دندپتان تومنیده هم پاکستاندن آتیلگن راکت بیر اویگه کېلیب توشگن. بو حادثه عاقبتیده بیر کیشی هلاک بۉلگن، ینه بیر کیشی جراحتلنگن.
طالبان تیناوون معلوم قیلیشیچه، پاکستاننینگ سۉنگگی بیر هفته دوامیده افغانستانگه قیلگن هجوملری نتیجهسیده۶۶ نفر تینچ اهالی هلاک بۉلگن،۵۹ کیشی اېسه یرهلنگن.
