آسترليا، کانادا و ینگی زیلند انسان حقوقلری کېنگشی ییغیلیشیده بېرگن قۉشمه بیاناتیده طالباننینگ قاعدهلری افغانستاننینگ خلق ارا حقوق، جملهدن خلق ارا انسان حقوقلری قانونلری بۉییچه مجبوريتلریگه قصداً و آچیق-آیدین بېپروالیک اېکنینی بیلدیردی.
آسترليا نمایندهسی تامانیدن اۉقیب اېشیتتیریلگن بیاناتده اوشبو اوچ دولت افغانستاندهگی انسان حقوقلری بحرانی، اینیقسه طالباننینگ عیاللر، قیزلر و آزچیلیکلرنی باستیریشگه قرهتیلگن تیزیملی و دواملی کمپایندن جدّي خواطر بیلدیردی.
آسترليا نمایندهسی «بیز طالباننینگ عیاللر و قیزلرنی انسان حقوقلری همده اساسي اېرکینلیکلرینی یۉق قیلیش آرقهلی جماعت حیاتیدن چیقریب تشلشگه قرهتیلگن برقرار کمپایندن افسوس دهمیز دېدی».
او طالبان محکمهلرینینگ جنایي نظامیگه اشاره قیلیب، اوشبو ینگی قاعدهلر عایلهوي زۉرآورلیکنی عادتي حالگه ایلنتیریشی، کمسیتیشنی کوچهیتیریشی و عدالتلی محکمه جریانینی ضعیفلشتیریشینی تأکیدلهدی.
آسترليا نمایندهسیگه کۉره، بو چارهلر منطقهده تینچلیک و برقرارلیکنی، شونینگدېک افغانستاننینگ خلق ارا همجمعت بیلن قَیته علاقهگه کیریشیشینی سوسهیتیرهدی.
اونینگ قۉشیمچه قیلیشیچه «بیز افغانستاننینگ خلق ارا قانونلر دایرهسیدهگی مجبوريتلریگه موافق انسان حقوقلریگه رعایه اېتیش حقیدهگی طلبلریمیزنی ینه بیر بار تکرارلهیمیز».
