منبعلر پنجشیر ولایتیده طالبان اعضالری تیناوون عنابه اولسواللیگیده بیر دهقاننی آتیب اۉلدیرگنینی اَیتماقده.
بیر منبعگه کۉره، بو اېرککنینگ آتی عبدالصبور سروري بۉلیب، عنابه اولسواللیگینینگ «زمانکور» منطقهسی اهالیسی اېدی. اَیریم منبعلر اونینگ اوّل شوروی گه قرشی اوروشده و طالبان نینگ بیرینچی دوریده محلي قوماندانلردن بۉلگنینی اَیتماقده.
منبع نینگ بیلدیریشیچه، سروري تیناوون (چهارشنبه، 6 حوت) ساعت 10:00 اطرافیده اۉز یېریده دهقانچیلیک بیلن شغللنیب یورگن پیتده طالبان اعضالری تامانیدن اۉلدیریلگن. منبعگه کۉره، او افطاردن کېین طالباننینگ رخصتی و خبردارلیگی بیلن تونده دلهسیده ایشلهیاتگن بۉلگن.
منبعلرنینگ ایتیشیچه، کېچه آتیشمه آوازی اېشیتیلگچ، سرورينینگ قرینداشلری اونینگ جسدینی طالباندن قبول قیلیب آلیشگن.
منبعلرگه کۉره، طالبان اعضالری بو اېرکک اۉلدیریلگنیدن کېین تانگگچه حدودنی قورشهب آلیب، هېچ کیم نینگ اوییدن چیقیشیگه رخصت بېرمهگن.
منبعلر طالبان اعضالری سروري نینگ اۉلدیریلیشیده اشتراک اېتگنینی انکار اېتیب، قاتللر کیملیگی حقیده معلوماتگه اېگه اېمسلیکلرینی ایتگنینی بیلدیرهدی.
شو بیلن بیرگه، سرورینینگ قرینداشلری اونینگ هېچ کیم بیلن عداوتی بۉلمهگنینی ایتیشماقده.
طالبان اوّل هم پنجشیرده تینچ اهالی نینگ اۉلدیریلیشیده عیبلنگن.
