اروپا پارلمانی اعضاسی هانا نویمان قانونلر آدملرنی حمایه قیلیشی کېرهکلیگینی ایتهدی، اما افغانستانده، طالبان نظارتی آستیده، قانون عیاللرنی قوللیککه سالیش و اولرنی جمعیتدن چیقریب تشلش اوچون ایشلهتیلماقده.
او یقینده اعلان قیلینگن طالبان محکمهلرینینگ جزای قاعدهلریگه اشاره قیلگن ویدیو مراجعتیده عیاللرنینگ اېندی ایش، تعلیم و جماعت حیاتیده تېنگ حقوقلرگه اېگه بۉلمسلیگینی بیلدیرهدی.
اوشبو اروپا رسميسی عیاللرنینگ ایشگه و تعلیمگه قتنهشیشینینگ تعقیقلنیشی همده اولرنینگ حرکتلنیشیگه قۉییلگن چېکلاولرنی قوللیک دېب اتهیدی.
شونینگدېک، او طالبان قانونیگه کۉره، گپیریش یاکه اویدن چیقیش هم جنایت حسابلنیشی ممکنلیگینی قۉشیمچه قیلهدی.
اونینگ ایتیشیچه، بو قانون جمعیتنی حمایه قیلیش اوچون اېمس، بلکه جمعیتنی اطاعتکار قیلیشگه قرهتیلگن.
او مسول شخصلرگه نسبتاً مقصدلی چېکلاولر جاري اېتیشنی، جنسي آپارتایدنی انسانیتگه قرشی جنایت صفتیده تن آلیشنی و افغانستان عیاللری و قیزلرینی حمایه قیلیشنی طلب قیلگن.
هانا نویمان شوندهی دېیدی: «سکوت بېطرفلیک اېمس، بلکه جنایتده اشتراکدیر»
