منبعلرنینگ معلومات بېریشیچه، طالبان کوچلری بیلن پاکستان چېگره قۉریقچیلری اۉرتهسیده دند پتان چېگره منطقهسیده تۉقنهشوو یوز بېرگن.
منبعلرگه کۉره، اوشبو تۉقنهشوو بوگون توشدن کېین (چهارشنبه،۶ حوت) مقبل حدودیده، پکتیا ولایتینینگ دند پتان اولسواللیگیده صادر بۉلگن.
پاکستاننینگ خراسان داییری نشری هم مذکور حدودده طالبان کوچلری و پاکستان حربيلری اۉرتهسیده کوچلی آتیشمه بۉلگنینی خبر قیلگن.
«مقبل» منطقهسی افغانستان نینگ پکتیا ولایتی دند پتان تومنی بیلن پاکستان نینگ کرّهم تومنی، خیبرپختونواه ایالتی چېگرهسیده جایلشگن.
منبعلرنینگ ایتیشیچه، حاضرده تۉقنهشوولر تۉختهگن. اوشبو حادثهنینگ سببی و احتمالي تلفاتلر حاضرچه نامعلوم.
کېچه هم طالبان کوچلری بیلن پاکستان چېگره قۉریقچیلری اۉرتهسیده ننگرهر ولایتینینگ نازيان، اچین و دُربابا تومنلری چېگره حدودلریده تۉقنهشوولر بۉلگن اېدی.
بو تۉقنهشوولر پاکستان تامانیدن پکتیکا و ننگرهر ولایتلریدهگی اَیریم حدودلرگه اویوشتیریلگن هوا هجوملریدن سۉنگ یوز بېرگن.
پاکستان نینگ هوا هجوملری عاقبتیده ننگرهارده ۱۷ کیشی، جملهدن ۱۱ نفر باله هلاک بۉلگن، پکتیکاده اېسه تلفاتلر قید اېتیلمهگن.
طالبان وکیللری قیش موسمیده اوشبو تۉقنهشوولرگه مناسب جواب بېریلیشینی معلوم قیلگن.
