بیرلشگن ملتلر تشکیلاتینینگ افغانستان بۉییچه انسان حقوقلری مخصوص گزارشگری ریچارد بنت اۉزینینگ انسان حقوقلری کېنگشیگه تقدیم اېتیلگن سۉنگگی گزارشیده افغانستانده جوده باستیرووچی اجتماعي ترتیب استه-سېکین عادتي حالگه ایلنیب بارهیاتگنینی ایتدی.
اونینگ تأکیدلشیچه، بو جریانده عیاللر و قیزلرنینگ مستقللیگی باسقیچمه-باسقیچ یۉقالماقده و بو حالت جسماني همده روحي سلامتلیک، ساغلیقنی ایزلش خُلقی و امان قالیش امکانیتلریگه چوقور سلبي تأثیر کۉرستماقده.
گزارشده عیاللر و قیزلرنینگ ساغلیقنی سقلش خدمتلریگه اېریشیشدهگی چېکلاولرگه بغیشلنگن بۉلیب، انسان حقوقلری کېنگشی ییغیلیشیده تقدیم اېتیلیشی رېجهلشتیریلگن.
بنتنینگ ایتیشیچه، طالبان حکومتی افغانستان خلقی، اینیقسه عیاللر و قیزلر حقوقلریگه قرشی کېنگ کۉلملی و تیزیملی هجوم آلیب بارماقده.
اونینگ یازیشیچه، افغانستان اهالیسی جنسگه اساسلنگن کمسیتیش، ظلم و حکمرانلیککه تیهنگن تیزیمگه دوچ کېلماقده.
بو تیزیم تعلیم، ایش، اېرکین حرکتلنیش، ساغلیقنی سقلش، عدالتگه اېریشیش، سۉز اېرکینلیگی، اویوشیش، ییغیلیش و جماعت حیاتیده اشتراک اېتیش حقوقلرینی چېکلهماقده.
بنت بو تیزیمنی انسانیتگه قرشی جنایتگه تېنگ دېب بهالهگن.
حساباتده، شونینگدېک، طالبان حاکمیتگه قَیتگنیدن بویان اېرککلر اوستونلیگیگه اساسلنگن ایدئولوژیک تهیهنهدیگن و عیاللر حقوقلری همده اېرکینلیگینی تارتیب آلیشگه قرهتیلگن مفکوروي باشقروو تیزیمینی جاري اېتگنی قید اېتیلهدی.
اونینگ سۉزلریگه کۉره، بو چېکلاولر کمسیتووچی فرمانلر، مجبوري چارهلر، جملهدن جسماني زۉرآورلیک و مفکوروي سینگدیریش آرقهلی عملگه آشیریلماقده.
