ننگرهار ولایتیدهگی طالبلر امنیه قوماندانلیگینینگ خبر بېریشیچه، اوشبو ولایتده یوز بېرگن ایکّی علیحده ترافیک حادثهسی عاقبتیده ایکّی کیشی هلاک بۉلگن، ینه بیر کیشی یرهلنگن.
ننگرهاردهگی طالبلر امنیه قوماندانلیگی مطبوعات سۉزلاوچیسی سیدطیب حمادنینگ ایتیشیچه، بیرینچی حادثه تیناوون (دوشنبه، 4 حوت) جلال آباد شهرینینگ یېتّینچی ناحیهسیده یوز بېرگن.
اونینگ قۉشیمچه قیلیشیچه، اوشبو حادثهده « ماریکس» روسوملی موتر ریکشا بیلن تۉقنهشگن، نتیجهده ریکشا هیداوچیسی هلاک بۉلگن و ینه بیر کیشی جراحت آلگن.
سۉزلاوچینینگ ایتیشیچه، ینه بیر حادثه ولایتنینگ سرخ رود اولسواللیگیده یوز بېرگن، اونده موتر بیر نفر یاش ییگیتنی اوریب کېتیب، اۉلیمیگه سبب بۉلگن.
اونگه کۉره، اوشبو ییگیت یۉلدن اۉتهیاتگن پیتده موتر تامانیدن اوریب یوباریلگن.
ننگرهاردهگی طالبان خوفسیزلیک قوماندانلیگی اوشبو حادثهلرنینگ کېلیب چیقیش سببلرینی انیقلهمهگن.
