کابلدهگی جاپان اېلچیخانهسینینگ معلوم قیلیشیچه، جاپان و جهان بانکی افغانستان برقرارلیک جمغرمهسیگه۲.۰۸میلیون دالر یاردم اجرهتیش بۉییچه کېلیشوونی امضالهگن.
اېلچیخانه بوگون (یکشنبه،۳ حوت) اعلان قیلگن بیاناتیده ایتیشیچه، اوشبو مبلغ محتاج اهالیگه یاردم بېریش همده افغانستاندهگی ضعیف قتلملر، جملهدن عیاللر و یاشلرنینگ تورموش شرایطینی یخشیلشگه یۉنهلتیریلهدی.
جاپان اېلچیخانهسی، شونینگدېک بو مملکت افغانستان خلقینینگ یانیده اېکنینی تأکیدلهگن.
طالبان افغانستانده ینه حاکمیتنی قۉلگه آلگنیدن سۉنگ، جاپان اوشبو مملکتگه اېنگ ییریک یاردم کۉرستووچی دولتلردن بیری بۉلیب کېلماقده.
جاپاننینگ یاردملری اساسن بیرلشگن ملتلر تشکیلاتی توزیلمهلری آرقهلی عملگه آشیریلهدی و تعلیم، ساغلیقنی سقلش، آزیقهلنیش همده تیریکچیلیک ساحهلریگه قرهتیلگن.
