بیرلشگن ملتلر تشکیلاتینینگ افغانستان بۉییچه مخصوص انسان حقلری گزارشگری ریچارد بنت، عیاللر و قیزلرنینگ ساغلیق حقوقی حقیدهگی گزارشینی کېینگی هفته انسان حقلری کېنگشی ییغیلیشیده تقدیم اېتیشینی ایتدی.
او بوگون (جمعه،۱ حوت) ایکس اجتماعي ترماغیده یازیشیچه، سۉنگگی پاکستانگه سفری آرتیدن حاضر جنیواده اۉتکزیلهدیگن انسان حقلری کېنگشی نینگ ۶۱- ییغیلیشیگه تیارگرلیک کۉرماقده.
بنتنینگ قۉشیمچه قیلیشیچه، او ۲۶-فبروریده افغانستان عیاللری و قیزلرینینگ ساغلیق حقوقی بۉییچه گزارشینی تقدیم اېتهدی و سۉنگگی انسان حقوقلری واقعهلری حقیده گپیرهدی.
ریچارد بنت، طالبلر تامانیدن افغانستانگه سفر قیلیش تعقیق قیلینگن، یقینده پاکستانگه سفر قیلگن اېدی. اوشبو سفر دوامیده او پاکستانلیک رسميلر بیلن انسان حقوقلری وضعیتی حقیده صحبتلشدی.
طالبلر فقرالرنینگ حقوقلری و اېرکینلیکلریگه قتّيق چېکلاولر کیریتگن.
حاضرگی پیتده عیاللر و قیزلر ایش و تعلیم حقوقیدن محروم قیلینماقده.
بعضی ولایتلرده عیاللرنینگ ساغلیق خدمتلریگه کیریشیگه هم چېکلاولر قۉییلگن، مثلاً: عیاللر محرم سیز طبیات مرکزیگه باره آلمهیدی و اېرکک شفاکارلر عیال بیمارلرنی دوالهی آلمهیدی، شو بیلن بیرگه عیال شفاکارلر کم.
