طالبانلرنینگ پنجشیر ولایتیدهگی کانلر و پترولیم ادارهسی اوشبو ولایت کانلریدن قزیب آلینگن یېتّی مینگ ۵۱۳ قیراط زمردآلتی میلیون۷۵۹ مینگ۶۷۱ افغاني قیمتیده ساتیلگنی حقیده خبر بېردی.
مذکور اداره ترقهتگن بیاناتده ایتیلیشیچه، بو مقداردهگی زمرد تیناوون (سهشنبه،۲۸ دلو) آچیق داوطلبلیک آرقهلی ساتیلگن.
طالبلرنینگ کانلر و پترولیم ادارهسینینگ معلوم قیلیشیچه، اوشبو زمرد سۉنگگی ایکّی هفته ایچیده حصه اوّل اولسواللیگیدن قزیب آلینگن.
طالبلرنینگ ایتیشیچه، پنجشیر زمردی نینگ سوداسیدن توشگن درآمد نینگ۱۰ فایزی اوشبو گروه خزینهسیگه اۉتکزیلهدی، قالگن قِسمی اېسه شرطنامه اساسیده ایشلهیاتگن شرکتلرگه بېریلهدی.
طالبلر افغانستانده قَیته حاکمیتنی قۉلگه آلگنیدن بویان پنجشیر زمرد کانلرینی منتظم روشده قزیب آلیب، محصولاتلرینی ساتیب کېلماقده.
شونینگدېک، طالبانلر یقینده پنجشیرده یاقوت، بیروج و گرنت کانلرینی قزیب آلیشنی هم باشلهگن.
